18 тэрбумын төсөвтэй ”Эрүүл монгол хүүхэд” аян эхэллээ

Улс орон даяар хэрэгжүүлж буй "Эрүүл монгол хүүхэд" аян өнөөдөр 13:00 цагаас эх нялхсын эрүүл мэндийн төв дээр эхэлж байна. Нийслэлд зохиогдох нээлтийн арга хэмжээнд Ерөнхий сайд С.Батболд оролцоно.Ерөнхий сайд 14.00 цагаас Вербист асрамжийн төв дээр очиж хүүхэд багачуудад хийж буй үзлэгийн явцтай танилцах аж. Мөн 15.00 цагаас Соёлын төв өргөөнд болох тус аяны нээлтийн ёслолын ажиллагаанд оролцох юм байна.Тус аяны хүрээнд 0-18 насны хүүхэд бүр нарийн мэргэжлийн оношилгоо шинжилгээнд хамрагдах юм байна. Хүүхдүүдийг үзлэг шинжилгээнд хамруулах тус ажилд улсын төсвөөс 18 тэрбум төгрөг төсөвлөжээ. Аян хөдөө орон нутагт үргэлжлэнэ. Илүү дэлгэрэнгүй мэдээллийг тун удахгүй www.ubhealth.mn цахим хуудсанд байршуулна. Мөн үзлэгийн зохион байгуулалттай холбоотой мэдээллийг НЭМГ-ын мэргэжилтэнүүдээс авч болох юм байна.